KIKE AMONARRIZEN HITZALDI ETA AURKEPENA OSTEGUNEAN, ‘EUSKARALDIA, 11 EGUN EUSKARAZ’
Urt, 2018 Hondarribia, Blagan Elkartea, Euskara, Itsas Etxea
Datorren ostegunean, arratsaldeko 18:00etan Kike Amonarrizen hitzaldia izango dugu Itsas Etxea Auditoriumean, ‘Euskaraldia, 11 egun euskaraz’ ekimenaren inguruan.Euskaraldia Herritarren hizkuntza-ohituretan eragiteko egitasmoa da, herritarrak euskarekiko aktibatuko dituena, Eusko Jaurlaritzatik eta Hondarribiko Udaletik Blagan Elkartearen laguntzaz bultzatuko dena.
Euskaraldia, euskara egunaren aurretik 11 egunez martxan jarriko den dinamika bat da. 11 egun euskaraz ekimena gauzatu nahi da Hondarribian, Euskal Herriko beste herri askorekin batera. Herritarrei eskatuko zaie bere hizkuntza portaerak aldatzea, euskara gehiago erabiliz edo aukera emanez. Horretarako bi figura sortu dira ahobiziak eta belarriprestak.
Informazio guztia ostegunean egingo den hitzaldian emango da. Udalak, ahalik eta hiritar gehien hurbiltzeko asmotan, gonbidapena luzatzen du.
