Berriak

Zazpigarren urtez jarraian “Hondarribian Elkarlanean” jardunaldia antolatu du Hondarribiko Udalak, eskualdean lan egiten duten Gobernuz Kanpoko Erakundeei eta elkarteei zuzenduta. Igande honetan izango da, irailak 30 eta goizeko 11:00etatik eguerdiko 14:30era. Aurkezpena Areto Nagusian burutu da eta han izan dira Arantxa Berrotaran, Gizarte-zerbitzuetako zinegotzia, baita ekimenean parte hartuko duten hainbat erakunde eta elkarteetako ordezkari ere.

Juncal Eizaguirre Irungo Kultura ordezkariak ezagutzera eman ditu Carlos Blanco Aguinaga CBA liburutegi eta kultur zentroak antolatu dituen ikastaro berriak denboraldi berrirako. Komunikabideen aurrean eginiko aurkezpenean ekimen bakoitzaren koordinatzaileak egon dira: Maite Arrese eta Oier Fuentes.

Espazio publikoan ospatzen den ekimen honek arte garaikidea eta memoria historikoa uztartzen ditu. Diziplina anitzeko prozesu artistikoak herritarrekin elkarrizketan. Larunbat honetan gauzatuko da, hirugarren edizioa programa anitza eta aberasgarri baten bitartez. Ribera programa Irungo udalak antolatzen eta Bitamine Faktoriak kudeatzen du.

Mary Shelleyren “Frankenstein edo Prometeomodernoa” eleberriaren argitalpenaren 200. urteurrenaren harira, Udal Liburutegiak jarduera egitarau zabala antolatu du datorren hiruhilekorako: film emanaldiak, solasaldiak, haurrentzako tailerrak, erakusleihoak atontzeko egitasmoa, etab… Egitasmoa gaur aurkeztu da Zuloaga Etxean, eta han izan dira Juan Luis Silanes Kultura zinegotzia, Kote Guevara udal liburuzaina, eta Leire Cano, Ereiten Kultur Zerbitzuetako ordezkaria.

Datorren asteartean, irailaren 18an, Hondarribiko Paradoreak 50 urte beteko ditu ireki zenetik, 1968ko irailaren 18an. Hori dela eta jardunaldi berezia prestatu da, hitzaldi, argazki proiekzio eta bi bisita gidaturekin.

Gipuzkoako Aldundiko Kultura Departamentuko META! 2018ko deialdian hautatu diren 15 proiektuetako bat da Zinebai. “Zinebai” izenenko proiektuaz baliatuz, Orbela Kultur Elkartea Irungo elkarteak aldaketa bat eta gizarte eztabaida bat sortu nahi ditu, euskaraz filmatutako zinea mota guztietako publikoetara hurbilduz.