Gipuzkoako Foru Aldundiak, Europar Batasunarekin lankidetzan Europako Kontseiluak sustatutako 2017ko Ondarearen Europako Jardunaldiak Hondarribira etorriko dira larunbatean. Hala, Jaizkibeleko fortifikazioetara bisita gidatu bat egingo da, larunbatean goizeko 11:00tan, Juan Antonio Saez historialariaren eskutik.
Datorren urriaren 1ean, Itsas Etxea Auditoriumean Aukeran Dantza Taldearen eskutik ‘Maurizia’ ikuskizunaz gozatu ahal izango da. XIII. Dantza Zirkuituaren barnean kokatzen da emanaldia, eta sarrerak 6 eurotan saltzen dira Kutxa web gunean, ARMA PLAZAn irailaren 30 bitarte, eta ikuskizunaren egun berean Itsas Etxean. 18 urtetik beherakoentzat sarrerak 3 eurotan saltzen dira.
Kultura arloak Oiasso Erromatar Museoaren Bidasoko Nazioarteko Arkeologia Zinemaldiaren (FICAB) 17. edizioan azaroaren 20tik 25era ikusi ahal izango diren filmen zerrenda baieztatu du. Informazio guztia, ondoren.
Bidasoko Abesbatza Jaialdia irailaren 30ean eta urriaren 1ean egingo da, eta edizio honetan, formatu berri bat estreinatuko du, musika korala eta literatura batuta lau abesbatzaren eta eskualdeko zenbait idazle biltzen dituen Oskarbi 21 Kultur Elkartearen eskutik. Aurkezpen berritzailea da, eta horren bidez, Ametsa Abesbatza Kultur Elkarteak, berak antolatzen baitu, bi mundu elkartu nahi ditu: kantu korala eta literatur kontaketa.
Aste honetan Hondarribia Mugikortasun Astea ospatzen ari da. Udalak eta Balazta Bidasoako Bizikletaren aldeko Elkarteak antolatuta, lehen ekitaldia bihar arratsaldez burutuko da.
Elena Setién abeslari eta sortzaile donostiarrak 'Dreaming of Earthly Things' atera duen azken diskoa aurkeztuko du datoren ostiralean, hilaren 22an, Irungo CBA liburutegian, 19:30etik aurrera. Setién kantaria da eta jazz alternatiboa zein "indie" pop estiloetan kokatzen da. Azken hamahiru urteak Kopenhagen eman ditu eta iaz bere sorterriko Donostiara itzultzea erabaki zuen. Bera azken lana aurkezten du eskualdean orain. Kritikak honela kalifikatu du: “berezko nortasunezko doinuez jositako diskoa da, hosto iraunkorreko poparen bidetik paseo bat iragartzen duena” (Mondosonoro). Ez ezazu galdu bere zuzeneko magia.
.jpg&w=750&h=350&q=100)
