Hondarribiko jaiak hasteko bi aste falta badira ere, ezagutzen dira zeintzuk izango diren kontzertu edo ekimen nagusienak. Izen esanguratsuenak Huntza, Amparanoa, Sega Sound Killers, Puro Relajo, Kresala, Demode Quartet, edota Linval Thompson badira ere, Udaleko Kultura departamentutik eskaintza zabala prestatzeko lanetan ari dira etengabe.
Urteroko moduan, irailaren 10a, besteak beste, Hondarribiko Udalak antolatutako Adinekoen Omenaldi bazkariaren eguna izango da. Ardora jatetxean atondutako otordurako txartelak asteartean irailaren 3 eta 4ean banatuko dira Kasino Zaharreko Adinekoen Egoitzan.
Ezagutzen dira jadanik zeintzuk izan diren 2019ko Jai Nagusietako Argazki Lehiaketako irabazleak.Iñigo Alzugaray-ren ‘Ametsetan’izan da lehen saria jaso duena, Omar Igualen ‘Balcón marinero’ geratu da bigarren, eta Oscar Gasconen ‘Etxenagusia Margolari kalea’ hirugarren. Denetara 52 argazki egon dira lehian.
C.D. Bidasoa eta Hondarribia Eskubaloiak akordioa sinatu dute datozen asteetan hasiko den denboraldiari begira. Hala, Hondarribia eta Irungo eskubaloi taldeek euren nortasuna eta independentzia ekonomikoa mantentzen dute, eta kirol estruktura baten baitan, talde bateko jokalaria estrukturaren barruan mugi daiteke jardunaldietan zehar beharren arabera, klub bakarrean gertatzen den moduan.
Atzo arratsaldez egin zen ‘Hondarribiko Hatxeruak’ erakusketaren irekiera ofiziala, aretoa bete egin zuen ekitaldian.
