Berriak

Hementxe dauzkazue Alarde Tradizionala eratzen duten konpainien entseguei buruzko informazioa

Little Madiren erakusketa ekainaren 2an, arratsaldeko 20:00etan, Martindozenea gaztelekuan inauguratuko da eta uztailaren 9a bitarte izango da ikustegai, asteartetik larunbatera 17:00etatik 21:00etara.

Larunbata honetan, ekainak 3, BLAGAN EGUNA ospatuko da Hondarribian. Euskara kalera jai giroan ateratzeko helburua duen ekitaldiaren aurkezpenean Arantxa Berrotaran Euskarako zinegotzia, Martin Lizeaga eta Estitxu Arretxe Blagan Euskara Elkarteko kideak egon dira.

Irungo Udalak eta Behemendi Landa Garapenerako Elkarteak kudeatzen duten Lapuriturriko informazio puntuak aurtengo lehendabiziko irteera eskainiko du. Datorren ekainaren 4ean, igandea, hegaztien munduko ezagutza handitzeko hitzordua dugu

Uztailaren 14tik 16ra, Irunek berriz bidaiatuko du denboran antzinako Oiasso birsortzen duten jardueren ohizko programarekin. Programak berriz ere hamaika birsortze gauzatuko ditu, bisitariak erromatarren garaietara eramateko: antzerkia, gladiadoreak, indusketetan aurkitutako jatorrizkoen erreplika arkeologikoak artisau-eran eginak (hala nola, brontzezkoa lanak), gastronomia, tailer praktikoak, liburugintza, bitxigintza...Bertan, artistek, aktoreek, artiasuek eta kontalariek parte hartzen dute, penintsulako bazter guztietatik etorrita.

Igandean Itsas Etxea Auditoriumean dantza ikuskizun batetaz gozatu ahal izango da, Iker Karrera hondarribiarraren eta Fernando Lázaroren eskutik. ‘Las otras piezas’ obraren interpretazioa 20:00etan hasiko da, eta sarrerak kutxasarrerak helbidean eros daitezke 6 eurotan, Arma Plazan, larunbata arte, eta hasi baino bi ordu lehenago Itsas Etxea Auditoriumean igandean bertan.