Berriak

HONDARRIBIKO GABONETAKO MERKATUA ABENDUAREN 16 ETA 17AN

Abenduaren 16 eta 17an, Itsas Etxea Auditoriumean gabonetako merkatua egongo da, bertako 14 merkatarik parte hartuko dutelarik beraien produktuak salduz. Sarrera doan izango da eta merkatuko ordutegia 11:00tatik 14:00tara eta 16:00tatik 20:00tara asteburu guztian. Postuetan erosteaz gain, bertaratutakoek tailerretan parte hartu ahal izango dute, hala nola josketa tailerra, eskulan eta txapa tailerra, Gabonetako gozoen dekorazio tailerra eta pintura-murala eta eskulanak.

JAIZKIBEL MENDIKO HILETA MONUMENTALAK ‘EZAGUTU ZURE HIRIAREKIN’ OSTEGUN ETA LARUNBATEAN

Ostegun eta larunbata honetan ‘Ezagutu zure hiria’ ekimenaren urrats berri bat emango da. Ostegunean arratsaldeko 19:00etan Arma Plazan hitzaldia eskainiko da eta larunbata goizeko 9:00etatik 13:00etara bisita gidatua Guadalupeko Gotorlekuko aparkalekuan izango delarik hitzordua. ‘Jaizkibeleko hileta monumentuak’ izango da gaia, eta hitzaldi zein bisita gidatua Luis del Barrio arkeologoaren eskutik joango dira.

IRUN EGUBERRIETAN

Badakigu datozen Eguberrietarako merkataritza dinamizatzeko zer kanpaina egingo den. Berriz izango da izotz-pista Zabaltza plazan, baina, aurten, berritasun gisa, hiru txirrista izango dira, 3 metroko altueratik 35 metroan leraz jaisteko aukera emango digutenak.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika