Artea eta sormena bat eginda konfinamenduan

Eka, 2020

Kultura Arloak jakinarazi duenez, asteazken honetatik aurrera, ekainaren 3tik 14ra bitartean, Marrazketa eta Pinturako Udal Akademiako ikasleen lana ikusgai egongo da Amaia KZren erakusketa galerian. Horrela, kultur zentroak bere jardueraren zati bat berreskuratuko du honako neurriekin; besteak beste, edukieraren kontrola, pertsonen arteko distantziak, bisitariarentzako hidrogela. Beste gela batzuk, hala nola auditoriuma edo hitzaldi-aretoa, jendearentzat itxita egongo dira oraingoz.

Erakusketan ikasturtean zehar eta konfinamenduen egin diren lanak daude ikusgai. Bi zatitan banatzen da erakusketa: Batetik, martxoaren bigarren astera arte egindako lanak, Alarma Estatuaren izendapena arte egindakoak; eta, bestetik, etxetik egindako lanak, Akademiaren jarduera eta ikasleekiko harremana telematikoki egin behar izan den garaikoa.

Lehenengo atalean, paisaiaren eta irudiaren lan-ildoei jarraitzen dieten hainbat formatutako lanak azaltzen dira; estilo klasiko naturalistetatik hasi eta izaera esperimentaleko proposamenak barne. Ikasturtean zehar olioa aukeratu duten ikasleen olio-lanak ere erakusten dira. Bloke honetan, gainera, haur-taldeak egindako lanak daude, eta nabarmentzekoak dira, besteak beste, "Liburu ilustratua" eta "Zirkulu bizidunak".

Bigarren atalean, "etxean" izenekoan, konfinamendu garaian paperean egindako formatu txikiko lan ugari daude ikusgai. Epealdi honetan lan asko egin dute ikasleek. Akademiak adierazi nahi du ikasleek konpromiso eta ilusio handiarekin erantzun diotela astero irakasleek diseinatutako proposamenei.

Bisita-ordutegia: asteartetik larunbatera, 18:00etatik 21:00etara, eta igande eta jaiegunetan, 11:30etik 13:30era.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika